اردو ورلڈ کینیڈا ( ویب نیوز ) کینیڈا کی 87 سالہ خاتون نے ماسٹرز کی دوسری ڈگری مکمل کر لی

کینیڈین اسمبلی کے ارکان کی جانب سے خاتون کو خصوصی خراج تحسین بھی پیش کیا گیا۔

87 سالہ ورتھا شانموگناتھن نامی معمر خاتون نے کینیڈا کی یونیورسٹی سے دوسری ماسٹر ڈگری حاصل

کرکے اس حقیقت کو ثابت کردیا کہ انسان کی سیکھنے کا عمل زندگی بھر جاری رہتا ہے۔

ورتھا نے یارک یونیورسٹی سے ماسٹر کی ڈگری حاصل کی۔

وہ ایسا کرنے والی سب سے عمر رسیدہ شخص بھی بن گئی ہیں۔

ورتھا کو اونٹاریو کی صوبائی اسمبلی میں منعقدہ ایک تقریب میں اعزاز سے نوازا گیا اور

اراکین اسمبلی نے بزرگ خاتون کو کھڑے ہوکر داد دی۔

بزرگ خاتون نے ہندوستان سے بیچلر کی ڈگری حاصل کی جس کے بعد یونیورسٹی آف سیلون سے ڈپلومہ کیا

جس کے بعد انہوں نے لندن یونیورسٹی سے محنت کے بعد 50 سال کی عمر میں پہلی ماسٹر ڈگری حاصل کی۔

کینیڈا کی صوبائی اسمبلی کے ایک رکن نے ورتھا کے لیے منعقدہ تقریب کی ویڈیو اپنے انسٹاگرام اکاؤنٹ پر شیئر کی

اور ان کے اگلے تعلیمی سفر کے لیے نیک خواہشات کا اظہار کیا۔