واشنگٹن اور بغداد کے درمیان عراق سےاتحادی فوج کے انخلا کے منصوبے پر معاہدہ طے

13

اردوورلڈ کینیڈا( ویب نیوز)واشنگٹن اور بغداد کے درمیان عراق سے امریکی زیر قیادت اتحادی افواج کے انخلا کے منصوبے پر معاہدہ طے پا گیا ہے۔
خبر رساں ادارے نے متعدد ذرائع کے حوالے سے رپورٹ کیا کہ اس منصوبے میں ستمبر 2025 تک سینکڑوں اتحادی افواج اور باقی ماندہ اگلے سال کے آخر تک روانہ ہونے کا مطالبہ کیا گیا ہے۔
ایک سینئر امریکی اہلکار نے بتایا کہ اس منصوبے پر وسیع پیمانے پر اتفاق کیا گیا ہے، دونوں ممالک کی طرف سے حتمی منظوری اور اس کے اعلان کی تاریخ باقی ہے۔
دونوں ممالک ایک نیا مشاورتی رشتہ قائم کرنے کی بھی کوشش کر رہے ہیں جس سے کچھ امریکی افواج کو انخلاء کے بعد عراق میں رہنے کی اجازت ملے گی، ذرائع نے بتایا کہ ابتدائی طور پر ایک سرکاری اعلان چند ہفتے قبل کیا جانا تھا لیکن غزہ کی پٹی میں جنگ تاخبر کی وجہ بنی متعلقہ علاقائی کشیدگی اور کچھ باقی تفصیلات طے کرنے کے لیے اسے ملتوی کر دیا گیا۔
ذرائع میں پانچ امریکی اہلکار، دو دیگر اتحادی ممالک کے اہلکار اور تین عراقی اہلکار شامل ہیں، جن میں سے سبھی نے شناخت ظاہر نہ کرنے کو کہا کیونکہ وہ اس معاملے پر عوامی طور پر بات کرنے کے مجاز نہیں ہیں۔