اردو ورلڈ کینیڈا ( ویب نیوز )  امریکی ڈائیونگ ایکسپلورر اور طبی محقق پروفیسر جوزف ڈیٹوری نے 100 دن پانی کے اندر گزارے اور کسی بھی انسان کے زیر آب طویل ترین قیام کا نیا عالمی ریکارڈ قائم کیا۔

گنیز بک آف ورلڈ ریکارڈ کی ویب سائٹ کے مطابق پروفیسر ڈیٹوری یکم مارچ کو پانی کے نیچے گئے اور 13 مئی 2023 کو پورے 100 دن کے بعد باہر آئے۔

یونیورسٹی کے پروفیسر جوزف ڈیٹوری نے اپنے 74 ویں دن بغیر دباؤ کے ایک شخص کی جانب سے پانی کے اندر سب سے زیادہ وقت گزارنے کا عالمی ریکارڈ توڑ دیا،   وہ 100ویں دن مکمل ہونے تک پانی کے اندر ہی رہے۔ایک ساتھ 9 بچوں کو جنم دینے والی خاتون کا نام گنیز ورلڈ ریکارڈ میں شامل ہے۔

یہ بھی پڑھیں

روشنی کی آلودگی،آئندہ 20 سالوں میں رات کو بھی ستارے نظر نہیں آئیں گے 

پروفیسر ڈیٹوری فلوریڈا میں ‘جولیس انڈر سی لاج میں بغیر دباؤ کے 30 فٹ کی گہرائی میں شیشے اور لوہے سے بنے Largo Lagoon  میں رہے۔پروفیسر ڈیٹوری نے کہا کہ ان کا مقصد کوئی ریکارڈ قائم کرنا نہیں تھا لیکن وہ میرین ریسورس فاؤنڈیشن کے طویل المدتی تحقیقی منصوبے ‘پروجیکٹ نیپچون 100’ کے تحت سمندری سائنس کی تحقیق کرنے کے لیے پانی کے اندر چلے گئے۔

ان کا کہنا تھا کہ ‘پروجیکٹ نیپچون 100’ کے تحت آبدوز جیسی ٹیکنالوجی کی مدد سے اندر کے دباؤ کو بحال کرنے کے بجائے پانی کے اندر کے سخت ترین ماحول اور قید تنہائی کے انسانی ذہن اور جسم پر پڑنے والے اثرات پر غور کیا جائے گا۔  پروفیسر ڈیٹوری نے اپنی تحقیق کے دوران روزانہ کی بنیاد پر تجربات کیے اور نتائج کو ریکارڈ کیا، جس کے نتائج نومبر میں سکاٹ لینڈ میں ہونے والی ورلڈ ایکسٹریم میڈیسن کانفرنس میں پیش کیے جائیں گے۔