24

 

اردو ورلڈ کینیڈا ( ویب نیوز ) چین میں تیز رفتار کار نے ڈرائیور کا کنٹرول کھو دیا اور سڑک کے کنارے کھڑے شہریوں کو کچل دیا۔عالمی خبر رساں ادارے کے مطابق یہ حادثہ چین کے شہر زوہائی کے ایک اسپورٹس سینٹر کے اسٹیڈیم میں اس وقت پیش آیا جب وہاں لوگوں کی بڑی تعداد ورزش کر رہی تھی۔

عینی شاہدین نے بتایا کہ ایک تیز رفتار ایس یو وی بیئرر کو توڑتے ہوئے اسپورٹس سینٹر میں داخل ہوئی۔ حادثے میں 35 افراد جاں بحق اور 43 زخمی ہوئے، جن میں نوعمر اور بزرگ شامل تھے۔کار کے ڈرائیور، جس کی شناخت 62 سالہ فین کے نام سے ہوئی، پولیس نے اس کا تعاقب کیا اور اسے حراست میں لے لیا جبکہ موقع سے فرار ہونے کی کوشش کی۔

گرفتار ڈرائیور بھی شدید زخمی ہے جسے علاج کے لیے ہسپتال منتقل کر دیا گیا ہے۔واضح رہے کہ حادثہ شہر میں سخت سیکیورٹی کے باوجود پیش آیا جہاں ایک بڑے سول اور ملٹری ایئر شو کا انعقاد کیا جا رہا ہے۔پولیس کے مطابق ابتدائی تفتیش سے پتا چلتا ہے کہ مذکورہ شخص نے طلاق کے بعد جائیداد کے تصفیے کے فیصلے کو کچل کر شہریوں کا غصہ نکالا۔واقعے کے وقت اسٹیڈیم میں لوگوں کے کم از کم 6 گروپ چہل قدمی اور ورزش کر رہے تھے۔