اردو ورلڈ کینیڈا ( ویب نیوز ) نیوزی لینڈ میں ایک شخص نے ریسٹورنٹ میں کلہاڑی کے وار سے 4 افراد کو زخمی کر دیا۔

غیر ملکی میڈیا کے مطابق یہ واقعہ نیوزی لینڈ کے شہر آکلینڈ کے نواحی علاقے البانی میں تین چینی ریستورانوں میں پیش آیا جہاں ریسٹورنٹ میں کھانے کے دوران ایک شخص نے کلہاڑی سے حملہ کردیا جس میں 4 افراد زخمی ہوگئے۔

پولیس کے مطابق واقعہ  رات 9 بجے کے قریب پیش آیا جس میں 24 سالہ مشتبہ شخص کو گرفتار کرلیا گیا ہے جب کہ حملے میں زخمی ہونے والوں کو اسپتال منتقل کردیا گیا ہے جن کی حالت خطرے سے باہر بتائی جاتی ہے۔پولیس کا کہنا ہے کہ ملزمان کے خلاف لوگوں کو نقصان پہنچانے اور زخمی کرنے کی دفعات کے تحت فرد جرم عائد کی جائے گی تاہم ملزمان کی جانب سے حملے کی کوئی وجہ سامنے نہیں آئی ہے۔ریسٹورنٹ میں موجود عینی شاہد نے بتایا کہ ملزمان نے ریسٹورنٹ میں آکر مجھ پر کلہاڑی سے حملہ کیا جس سے میرا دوست شدید زخمی ہوگیا جب کہ ملزمان نے مجھ پر بھی حملہ کیا جسے میں نے کلہاڑی سے روک کر روک دیا۔