منکی پاکس کے حوالے سے موثر اورجامع آگاہی مہم شروع کی جائے،شہباز شریف

22

اردوورلڈ کینیڈا( ویب نیوز)وزیراعظم شہباز شریف نے کہا ہے کہ منکی پاکس کے حوالے سے موثر اور جامع آگاہی مہم شروع کی جائے، بندرگاہوں، بندرگاہوں اور سرحدوں پر منکی پاکس کی اسکریننگ کے نظام کو بھی موثر بنایا جائے۔
وزیر اعظم شہباز شریف کی زیر صدارت ایم پوکس سے متعلق اہم اجلاس ہوا جس میں وزیر اعظم کو بریفنگ دی گئی، وزیر اعظم نے نیشنل کمانڈ اینڈ آپریشن سینٹر (این سی او سی) کو ایم پاکس کی صورتحال پر کڑی نظر رکھنے کی ہدایت کی۔
وزیراعظم نے کہا کہ ٹیسٹ کے لیے تمام ضروری آلات اور کٹس کی فراہمی کو یقینی بنایا جائے، ایم پاکس کے پھیلاؤ کو روکنے کے لیے صوبائی حکومتوں سے تعلقات بہتر کیے جائیں۔
اجلاس کے دوران وزیراعظم کو بریفنگ میں بتایا گیا کہ حال ہی میں ضلع مردان سے تعلق رکھنے والے ایک شخص میں وائرس کی تصدیق ہوئی ہے، متاثرہ شخص بیرون ملک مقیم تھا اور حال ہی میں پاکستان آیا تھا، متاثرہ شخص کو قرنطینہ میں رکھا گیا ہے۔
سول ایوی ایشن اس کے حوالے سے بیرون ملک سے آنے والی پروازوں کی نگرانی کرے گی، صوبائی حکومتوں اور اسلام آباد کے بڑے ہسپتالوں میں آئسولیشن وارڈز مختص کر دیے گئے ہیں، وزیراعظم نے کہا کہ اس حوالے سے ہفتہ وار بریفنگ دیں گے۔