ارد و ورلڈ کینیڈا ( ویب نیوز )کوئٹہ میں پولیس ٹرک کے قریب دھماکے میں خاتون سمیت 2 افراد جاں بحق اور 24 زخمی ہوگئے۔

پولیس کے مطابق دھماکا بیلی کسٹم کے علاقے میں پولیس ٹرک کے قریب ہوا۔ زخمیوں میں اہلکار اور 4 عام شہری بھی شامل ہیں۔

دھماکے کی اطلاع ملتے ہی سیکیورٹی فورسز اور امدادی ٹیمیں موقع پر پہنچ گئیں جب کہ علاقے کو گھیرے میں لے لیا گیا ہے، بم ڈسپوزل اسکواڈ کی جانب سے سرچ آپریشن جاری ہے۔

ڈی آئی جی کوئٹہ کا کہنا ہے کہ پولیس اہلکار ڈیوٹی پر جارہے تھے کہ رکشہ ٹرک سے ٹکرا گیا، دھماکے میں 20 سے 25 کلو بارودی مواد استعمال کیا گیا۔