اتحاد بین المدارس نے مدرسہ رجسٹریشن بل کا گزٹ نوٹیفکیشن فوری جاری کرنے کا مطالبہ کیا ہے۔ تفصیلات کے مطابق اسلام آباد میں اتحاد تنظیم المدارس کا اجلاس ہوا جس میں نامور علمائے کرام مفتی منیب الرحمان، مفتی تقی عثمانی اور دیگر معززین نے شرکت کی۔

مولانا فضل الرحمان نے مفتی تقی عثمانی اور مفتی منیب کے ساتھ مشترکہ پریس کانفرنس کرتے ہوئے کہا کہ مدرسہ بل متنازعہ نہیں کیونکہ پارلیمنٹ نے اس کی منظوری دی ہے۔ کیا بل کی منظوری کے بعد کوئی سوالات اٹھائے گئے؟
انہوں نے کہا کہ ہماری شکایت حکومت سے ہے اور ہمارا موقف آئین و قانون کے تابع ہے اس لیے ہم کوئی منفی بات چیت نہیں کرنا چاہتے۔
مفتی منیب الرحمان نے کہا کہ مدرسہ بل ایکٹ بن چکا ہے، صدر مملکت نے 10 دن تک بل پر کوئی اعتراض نہیں اٹھایا، قانون کے مطابق گزٹ نوٹیفکیشن جاری کیا جائے۔
مفتی منیب الرحمان نے کہا کہ مدرسہ رجسٹریشن بل کی منظوری کے خلاف کوئی فیصلہ آیا تو مل بیٹھ کر آئندہ لائحہ عمل کا اعلان کریں گے۔
ادھر ایم کیو ایم پاکستان کے مرکزی رہنماؤں کی مولانا فضل الرحمان سے آج ملاقات طے ہے جس میں مدرسہ بل پر بات چیت کا امکان ہے۔