اردوورلڈ کینیڈا ( ویب نیوز )پنجاب پولیس نے گزشتہ روز ہونے والے ہنگامہ آرائی اور پرتشدد کارروائیوں میں ملوث مزید 100 افراد کو گرفتار کر لیا ہے جس کے بعد گرفتار شرپسندوں کی تعداد 1000 سے تجاوز کر گئی ہے۔پنجاب بھر میں ہنگامہ آرائی اور پرتشدد کارروائیوں میں ملوث 100 سے زائد شرپسندوں کو گرفتار کر لیا گیا، جس کے بعد مختلف اضلاع سے گرفتار شرپسندوں کی تعداد 1050 سے تجاوز کر گئی، گرفتار افراد کے خلاف دہشت گردی کی دفعات لگا دی گئی ہیں۔

ترجمان پنجاب پولیس کے مطابق صوبے بھر میں پولیس کی ٹیمیں سرکاری املاک پر حملوں، توڑ پھوڑ اور آتش زنی میں ملوث شرپسندوں کے خلاف کارروائی میں ہیں، ویڈیو فوٹیج اور سی سی ٹی وی ریکارڈنگ کی مدد سے شرپسندوں کی نشاندہی کرکے انہیں گرفتار کیا جا رہا ہے۔ .

ترجمان کا کہنا ہے کہ جرائم پیشہ اور غیر قانونی عناصر کا تمام ریکارڈ ان کے کریکٹر سرٹیفکیٹ میں درج کیا جا رہا ہے۔ جس کی بدولت شرپسند غیر ملکی تعلیمی اداروں میں داخلہ نہیں لے سکیں گے

ترجمان پنجاب پولیس کا کہنا ہے کہ سرکاری املاک، پولیس فورس اور قانون نافذ کرنے والے اداروں پر حملہ کرنے والے شرپسند کسی رعایت کے مستحق نہیں، تمام شرپسندوں کو انصاف کے کٹہرے میں لا کر قرار واقعی سزا دی جائے گی۔