280
ا ردو ورلڈ کینیڈا ( ویب نیوز )پاکستان تحریک انصاف (پی ٹی آئی) کے چیئرمین اور سابق وزیراعظم عمران خان کے خلاف منگل کو ایک اور مقدمہ تھانہ آبپارہ میں درج کرلیا گیا۔
پولیس کے مطابق سابق وزیراعظم کے خلاف دفعہ 144 کی خلاف ورزی کا مقدمہ درج کرلیا گیا ہے جب کہ مقدمے میں پی ٹی آئی کے 17 رہنماؤں کو بھی نامزد کیا گیا ہے۔ مقدمے میں مراد سعید، فواد چوہدری، فیصل جاوید، اسد عمر، راجہ خرم نواز، علی نواز اعوان، شیخ رشید اور دیگر کو نامزد کیا گیا ہے۔
ایف آئی آر کے مطابق، پی ٹی آئی چیئرمین اور دیگر دفعہ 144 کی خلاف ورزی میں ملوث ہیں۔ پی ٹی آئی رہنماؤں اور تقریباً 1,000 افراد نے سڑک بلاک کردی، جب کہ عمران اور پی ٹی آئی رہنماؤں نے لاؤڈ اسپیکر کا بھی استعمال کیا۔
اسلام آباد پولیس کے اے ایس آئی کی شکایت پر عمران خان کے خلاف مقدمہ درج کر لیا گیا ہے۔
