اوگرا نے گیس کی قیمتوں میں اضافے کا نوٹیفکیشن جاری کر دیا، نئی قیمتوں کا اطلاق یکم نومبر سے ہو گا، غیر محفوظ گھریلو صارفین کے لیے گیس کی قیمت میں 172 فیصد سے زائد اضافہ کر دیا گیا ہے۔
ماہانہ 25 کیوبک میٹر گیس استعمال کرنے والے صارفین کے نرخوں میں 100 روپے فی ایم ایم بی ٹی یو اضافہ کیا گیا ہے
ماہانہ 60 کیوبک میٹر گیس استعمال کرنے والے صارفین کے لیے قیمتوں میں 300 روپے فی ایم ایم بی ٹی یو کا اضافہ کیا گیا ہے۔
100 کیوبک میٹر استعمال کرنے والے صارفین کے لیے گیس کے نرخوں میں 600 روپے فی ایم ایم بی ٹی یو اضافہ کر دیا گیا ہے، 100 کیوبک میٹر استعمال کرنے والے صارفین کے لیے گیس کی قیمتیں 400 روپے سے بڑھا کر 1000 روپے کر دی گئی ہیں۔
150 کیوبک میٹر ماہانہ استعمال کرنے والے صارفین کے لیے گیس کی قیمت 600 روپے سے بڑھا کر 1200 روپے کر دی گئی، 200 کیوبک میٹر گیس استعمال کرنے والے صارفین کے لیے 800 روپے فی ایم ایم بی ٹی یو مہنگی کر دی گئی
300 کیوبک میٹر گیس استعمال کرنے والوں کے لیے قیمتوں میں 1900 روپے فی ایم ایم بی ٹی یو اضافہ کیا گیا ہے، 300 کیوبک میٹر ماہانہ استعمال کرنے والوں کے لیے گیس کی قیمت 1100 روپے سے بڑھا کر 3000 روپے کر دی گئی ہے۔
400 کیوبک میٹر گیس استعمال کرنے والے صارفین کے لیے نرخوں میں 1500 روپے فی ایم ایم بی ٹی یو اضافہ کیا گیا ہے، 400 کیوبک میٹر استعمال کرنے والے صارفین کے لیے گیس کی قیمت 2000 سے بڑھا کر 3500 روپے فی ایم ایم بی ٹی یو کر دی گئی ہے۔ ماہانہ 400 کیوبک میٹر سے زیادہ کی کھپت کے لیے قیمت 3100 روپے سے بڑھا کر 4000 روپے فی ایم ایم بی ٹی یو کر دی گئی ہے۔
