اردوورلڈ کینیڈا( ویب نیوز)جوڈیشل کمیشن نے جسٹس (ر) سردار طارق مسعود، جسٹس (ر) مظہر عالم میاں خیل کو ایڈہاک ججز تعینات کرنے کی منظوری دی۔
چیف جسٹس قاضی فائز عیسیٰ کی سربراہی میں جوڈیشل کمیشن کا اجلاس ہوا، جسٹس (ر) سردار طارق مسعود کے نام کی منظوری 1-8 کے تناسب سے دی گئی۔
جسٹس (ر) طارق مسعود کو ایک سال کے لیے ایڈہاک جج تعینات کرنے کی سفارش کی گئی، جسٹس منیب اختر نے جسٹس (ر) سردار طارق مسعود کی بطور ایڈہاک جج تقرری کی مخالفت کی۔
جسٹس ریٹائرڈ مظہر عالم میاں خیل کے نام کی منظوری 3-6 کے تناسب سے دی گئی، جسٹس منیب اختر اور جسٹس یحییٰ آفریدی نے جسٹس (ر) مظہر عالم میاں خیل کی تقرری کی مخالفت کی۔
چیف جسٹس کی جانب سے نامزد کردہ 4 میں سے 2 ججز نے ایڈہاک جج بننے سے انکار کردیا، جسٹس ریٹائرڈ مشیر عالم اور جسٹس ریٹائرڈ مقبول باقر نے ایڈہاک جج بننے سے انکار کردیا ہے۔