اردو ورلڈ کینیڈا ( ویب نیوز ) جریدے PLOS One میں شائع ہونے والی اس تحقیق میں اس قصبے کا نام النطاہ رکھا گیا ہے اور ماہرین کا خیال ہے کہ یہ 4،400 سال پہلے آباد تھا اور اس کی آبادی 500 افراد پر مشتمل تھی۔محققین کا کہنا تھا کہ یہ قصبہ ہزاروں سالوں سے غیر آباد ہے لیکن اس کی وجہ ابھی تک واضح نہیں ہے۔یہ قصبہ 3.7 ایکڑ کے رقبے پر پھیلا ہوا تھا جس میں 2 اہم علاقے تھے۔محققین نے 14.5 کلومیٹر لمبی قدیم دیوار کا مشاہدہ کرنے کے بعد اس شہر کو دریافت کیا۔
ماہرین آثار قدیمہ نے کہا کہ یہ ایک اہم دریافت ہے جو اس بات کی نشاندہی کرتی ہے کہ اس خطے میں متعدد تہذیبیں تھیں۔انہوں نے مزید کہا کہ اس سے یہ بھی ظاہر ہوتا ہے کہ ہزاروں سال پہلے اس خطے کے لوگوں نے خانہ بدوش طرز زندگی کو چھوڑ کر شہری طرز زندگی اپنانا شروع کیا تھا لیکن یہ عمل بہت آہستہ آہستہ آگے بڑھا۔انہوں نے کہا کہ ابتدائی سروے سے یہ بات سامنے آئی ہے کہ یہ قصبہ 2400 قبل مسیح میں قائم ہوا تھا اور کم از کم 1500 قبل مسیح تک زندہ رہا۔اس قصبے کے مکانات چھوٹی گلیوں سے جڑے ہوئے تھے اور یہ وہ دور تھا جب اس علاقے میں خانہ بدوش قبائل آباد تھے۔
