اردوورلڈکینیڈا ( ویب نیوز )عارف علوی نے آفیشل سیکرٹ ترمیمی بل اور آرمی ایکٹ ترمیمی بل پر دستخط کردئیے یاد رہے کہ گزشتہ قومی اسمبلی نے مدت ختم ہونے سے قبل آفیشل سیکرٹ ایکٹ کی منظوری دی تھی۔

واضح رہے کہ آفیشل سیکرٹ ایکٹ ترمیمی بل سینیٹ میں پیش کیا گیا تو اپوزیشن کے ساتھ حکومتی اتحادی بھی برہم ہوگئے اور پیپلز پارٹی کے رضا ربانی نے بل کی متعدد کاپیاں پھاڑ دیں۔
پی ٹی آئی، جماعت اسلامی، ایم کیو ایم پاکستان، نیشنل پارٹی اور پی کے میپ سمیت مسلم لیگ (ن) کے ڈاکٹر افنان اللہ اور متعدد سینیٹرز نے بل کے خلاف احتجاج کیا، جس پر چیئرمین سینیٹ نے بل قائمہ کمیٹی کے ارکان کے احتجاج پر ایوان میں پیش کردیا۔ .
بعد ازاں سینیٹ میں آفیشل سیکرٹس ترمیمی بل اور آرمی ایکٹ سے بعض متنازع شقوں کو ہٹا دیا گیا جسے سینیٹ نے منظور کر کے صدر پاکستان کو دستخط کے لیے سمری بھیج دی تھی۔