اردو ورلڈ کینیڈا ( ویب نیوز )وزیر داخلہ رانا ثنا اللہ نے کہا کہ ملک کی مسلح افواج دہشت گردی کی لعنت پر قابو پانے کی مکمل صلاحیت رکھتی ہیں اور دہشت گردی کی کارروائی میں پاکستان میں قائم کالعدم تنظیم کے ملوث ہونے سے علاقائی امن کو خطرات لاحق ہیں۔
عسکریت پسند تنظیم کا کوئٹہ دھماکے کی ذمہ داری قبول کرنا خطرناک ہے
بلوچستان کے واقعے کی مذمت کرتے ہوئے، وزیر داخلہ نے کہا کہ کالعدم تنظیم دہشت گردی کی تازہ ترین کارروائی میں ملوث ہے، صوبائی حکومتوں کو مشورہ دیتے ہیں کہ وہ دہشت گردی کی روک تھام کے لیے ٹھوس اقدامات کریں قبل اس کے کہ وفاقی حکومت اس معاملے کو اپنے ہاتھ میں لے۔
ثنا اللہ نے کہا کہ وفاقی حکومت تمام صوبوں کو تعاون فراہم کرنے کے لیے تیار ہے، بلوچستان اور خیبرپختونخوا ہ کی حکومتوں کو اس معاملے کو سنجیدگی سے لینے کا مشورہ دے رہی ہے۔
انہوں نے مزید کہا کہ سیاسی معاملات ایک معمول کا کاروبار ہیں، لیکن ریاست کی ترجیح ہے امن رہے
مسلم لیگ ( ن )کے رہنما نے کہا کہ پی ٹی آئی چیئرمین عمران خان اور ان کی جماعت نے ملک میں انتشار پھیلانے کی کوشش کی اور اپنے دور حکومت میں اپوزیشن کو ختم کرنے کا صرف ایک ایجنڈا پورا کیا۔
انہوں نے کہا عمران خان نے اپوزیشن کا صفایا کرنے کے لیے کرپشن کا بیانیہ تیار کیا م” ہوا۔
ثنا اللہ نے کہا کہ پی ٹی آئی کے سربراہ کو قوم سے معافی مانگ کر پارلیمنٹ میں واپس آنا چاہیے تھا کیونکہ پی ٹی آئی کا لانگ مارچ بمشکل 6000 لوگوں پر مشتمل تھا
