اردو ورلڈ کینیڈا ( ویب نیوز )چیف آف آرمی سٹاف جنرل سید عاصم منیر نے ہفتہ کو لائن آف کنٹرول کے رکھ چکری سیکٹر میں فرنٹ لائن دستوں کا دورہ کیا۔
آئی ایس پی آر کے مطابق، آرمی چیف کو ایل او سی کی تازہ ترین صورتحال اور فارمیشن کی آپریشنل تیاریوں پر بریفنگ دی گئی۔
انہوں نے افسروں اور جوانوں سے بات چیت کی اور مشکل حالات میں اپنے فرائض کی انجام دہی کے دوران ان کے بلند حوصلے، پیشہ ورانہ صلاحیتوں اور جنگی تیاریوں کو سراہا۔
جنرل عاصم منیر نے زور دے کر کہا، "ہم نے حال ہی میں GB اور AJK پر ہندوستانی Idrship کی طرف سے انتہائی غیر ذمہ دارانہ بیانات دیکھے ہیں۔ میں واضح کر دوں، پاکستان کی مسلح افواج نہ صرف اپنے مادر وطن کے ایک ایک انچ کے دفاع کے لیے ہر وقت تیار رہتی ہیں، بلکہ اگر کبھی ہم پر جنگ مسلط کی جاتی ہے تو دشمن کو واپس نہیں جانے دیتے
انہوں نے کہا کہ کسی بھی غلط فہمی کے نتیجے میں کسی بھی مہم جوئی کا سامنا کرنا پڑتا ہے تو ہم اس کے لئے تیار ہیں اور بھر پور جواب دیںگے
آرمی چیف نے کہا کہ بھارتی ریاست اپنے مذموم عزائم کو کبھی حاصل نہیں کرسکے گی، انہوں نے مزید کہا کہ دنیا کو انصاف کو یقینی بنانا ہوگا اور اقوام متحدہ کی قراردادوں کے مطابق کشمیری عوام سے کیا گیا وعدہ پورا کرنا ہوگا۔قبل ازیں آمد پر کور کمانڈر راولپنڈی لیفٹیننٹ جنرل شاہد امتیاز نے آرمی چیف کا استقبال کیا۔
