اردو ورلڈ کینیڈا ( ویب نیوز)مسلم لیگ ن کے اراکین قومی اسمبلی کے پاکستان تحریک انصاف سے رابطوں کا انکشاف ہوا ہے۔ذرائع کے مطابق چیئرمین پی ٹی آئی عمران خان نے پارٹی قیادت کو مسلم لیگ ن کے ارکان قومی اسمبلی سے رابطوں کے حوالے سے باضابطہ پالیسی دے دی ہے جس میں ہدایت کی گئی ہے کہ صرف مسلم لیگ  ن کے ارکان کو ہی قومی اسمبلی سے ٹکٹ دیا جائے انہیں سے بات کی جائے  جو ہم ایڈجسٹ کر سکتے ہیں۔

چیئرمین پی ٹی آئی نے پارٹی رہنما ئوں کو ہدایت کی کہ وہ ایسے لیگی اراکین قومی اسمبلی سے کوئی جھوٹے وعدے نہ کریں، جنہیں ہم ٹکٹ کے لیے شامل نہیں کر سکتے۔

پی ٹی آئی رہنما ئوں کی جانب سے چیئرمین عمران خان کو بریفنگ میں بتایا گیا ہے کہ مسلم لیگ ن کے  رابطے میں رہنے والے ارکان قومی اسمبلی کی تعداد 15 کے قریب ہے، اس حوالے سے دعوی کیا گیا ہے کہ یہ لیگی ارکان یا تو اعتماد کے ووٹ سے غیر حاضر ہوں گے یا ہماری ہدایات پر عمل کریں گے۔