اردو ورلڈ کینیڈا ( ویب نیوز )لاہور ہائیکورٹ کے راولپنڈی بنچ نے تحریک انصاف کے چیئرمین عمران خان اور سابق وفاقی وزیر فواد چودھری کے وارنٹ گرفتاری معطل کر دیئے۔
سابق وزیراعظم عمران خان اور سابق وفاقی وزیر فواد چوہدری نے الیکشن کمیشن کے فیصلے کے خلاف درخواست دائر کی جس کی سماعت لاہور ہائی کورٹ راولپنڈی بینچ کے جسٹس صداقت علی نے کی۔

عمران خان اور فواد چوہدری کی جانب سے ایڈووکیٹ فیصل چوہدری عدالت میں پیش ہوئے۔
وکیل فیصل چوہدری نے کہا کہ ہم الیکشن کمیشن کی کارروائی میں پیش ہوتے رہے ہیں
بعد ازاں لاہور ہائی کورٹ کے راولپنڈی بینچ نے چیئرمین پی ٹی آئی عمران خان اور سابق وفاقی وزیر فواد چوہدری کے وارنٹ گرفتاری معطل کردئیے
واضح رہے کہ تحریک انصاف کے چیئرمین عمران خان، فواد چوہدری اور اسد عمر سمیت دیگر رہنما ئوں نے گزشتہ سال عوامی اجتماعات میں الیکشن کمیشن اور چیف الیکشن کمشنر کو براہ راست تنقید کا نشانہ بنایا تھا۔
پی ٹی آئی رہنما ئوں کا کہنا تھا کہ الیکشن کمیشن مسلم لیگ ن کی ایما پر تحریک انصاف کے خلاف کارروائی کر رہا ہے۔