اردو ورلڈ کینیڈا ( ویب نیوز )بھارتی نژاد امریکی رکن کانگریس روکھنا نے کہا ہے کہ پاکستان میں سیاسی کارکنوں کی گرفتاری کی تحقیقات ہونی چاہیے۔

ایک بیان میں بھارتی امریکن رکن کانگریس روکھنا نے کہا کہ میں پاکستان میں انسانی حقوق کی خلاف ورزیوں کی شدید مذمت کرتا ہوں، صحافیوں کے قتل اور سیاسی کارکنوں کی گرفتاری کی تحقیقات ہونی چاہئیں۔

انہوں نے دعویٰ کیا کہ بہت سے پاکستانی امریکیوں نے مجھ سے صورتحال پر تشویش کا اظہار کیا، ان کا کہنا تھا کہ پاکستانی امریکی انسانی حقوق کا احترام چاہتے ہیں۔

اس سے قبل امریکی کانگریس کے ڈیموکریٹک رکن ٹیڈ لو بھی ایک بیان میں کہہ چکے ہیں کہ پاکستان میں سیاسی کشیدگی کو پولیس کی بربریت، حراست کے غلط استعمال یا تشدد کا باعث نہیں بننا چاہیے۔

انہوں نے کہا کہ تمام اسٹیک ہولڈرز کو عدم تشدد کے اصولوں اور جمہوری اصولوں کا احترام کرنا چاہیے اور پاکستانی عوام کے پرامن مستقبل کے لیے مل کر کام کرنا چاہیے۔

زلمے خلیل زاد بھی اس حوالے سے بات کرچکے ہیں،

حکومت کے عمران خان کیخلاف اقدامات سے میری تشویش بڑھ رہی ہے، زلمے خلیل زاد