اردو ورلڈ کینیڈا ( ویب نیوز)مقتول صحافی کے اہل خانہ کی رپورٹ فراہم کرنے اور ان کی اجازت کے بغیر اسے عام نہ کرنے کی درخواست کی گئی ہے۔
مقتول صحافی ارشد شریف کی والدہ رفعت آرا علوی نے اپنے مقتول بیٹے کی پوسٹ مارٹم رپورٹ فراہم کرنے میں تاخیر کے خلاف اسلام آباد ہائی کورٹ سے رجوع کیا۔
رفعت آرا نے اپنی درخواست میں کہا کہ ان کے خاندان کے فوکل پرسن نے 3 نومبر کو مقامی انتظامیہ سے پوسٹ مارٹم رپورٹ طلب کی تھی۔
انتظامیہ نے بتایا کہ ان کے پاس رپورٹ نہیں ہے اور یہ پولیس کے پاس ہے۔ انہوں نے مزید کہا کہ جب لواحقین کے فوکل پرسن پولیس کے پاس گئے تو انہوں نے بھی انہیں اانتظامیہ سے رابطہ کرنے کو کہا۔
درخواست کے مطابق اہل خانہ نے پاکستان انسٹی ٹیوٹ آف میڈیکل سائنسز (پمز) کی انتظامیہ سے متعدد بار رابطہ کیا لیکن انہوں نے نہ تو رپورٹ فراہم کی اور نہ ہی اس کی تردید کی۔
درخواست میں کہا گیا کہ ’پمز اور مقامی انتظامیہ نے ارشد شریف کے اہل خانہ کو پوسٹ مارٹم رپورٹ کے بارے میں اندھیرے میں رکھا اور مشکل کی اس گھڑی میں ان کی تضحیک کی
درخواست گزار نے کہا کہ اسے خدشہ ہے کہ حقائق کو مسخ کرنے کے لیے پوسٹ مارٹم میں تبدیلی کی جائے گی اور اس لیے شفافیت کو یقینی بنانے کے لیے انہیں ہر وقت مطلع کیا جانا چاہیے۔
رفعت آرا نے درخواست کی کہ پورے عمل کو کسی تیسرے فریق کی مداخلت کے بغیر انجام دیا جائے