اردو ورلڈ کینیڈا ( ویب نیوز ) مصنوعی ذہانت (AI) معیشت اور معاشرے پر ممکنہ طور پر خطرناک اثرات مرتب کر سکتی ہے۔

مصنوعی ذہانت ممکنہ طور پر کمپیوٹر پر مبنی 70 فیصد ملازمتوں کی جگہ لے گی۔انسٹی ٹیوٹ فار پبلک پالیسی ریسرچ (آئی پی پی آر) کے ماہرین نے خبردار کیا ہے کہ مصنوعی ذہانت (اے آئی) معیشت اور معاشرے پر خاص طور پر کمپیوٹر سے متعلق معاملات پر ممکنہ طور پر خطرناک اثرات مرتب کرسکتی ہے۔آئی پی پی آر کی ایک نئی رپورٹ کے مطابق، پراجیکٹ مینجمنٹ، مارکیٹنگ، اور انتظامی مدد ایسی نوکریاں ہو سکتی ہیں جنہیں تبدیل کرنے میں AI اہم کردار ادا کرے گا۔تھنک ٹینک نے انسانوں کے 22,000 عام کاموں کا تجزیہ کیا، جس سے معلوم ہوا کہ مصنوعی ذہانت ان کمپیوٹر پر مبنی 70 فیصد کاموں کو بڑی حد تک تبدیل یا ختم کر سکتی ہے۔ٍٍٍٍٍٍآئی پی پی آر کا کہنا ہے کہ موجودہ AI پالیسی ٹیکنالوجی کو اپنانے اور حفاظت کو یقینی بنانے پر بہت زیادہ توجہ دے کر AI کے وسیع مضمرات کو نظر انداز کرتی ہے۔