اردو ورلڈ کینیڈا ( ویب نیوز )سابق سپیکر قومی اسمبلی اور پاکستان تحریک انصاف کے رہنما اسد قیصر نے کہا ہے کہ حکومت ایک قدم آگے بڑھے ہم الیکشن کی تاریخ پر مذاکرات کے لیے تیار ہیں۔

اپنے بیان میں پی ٹی آئی رہنما اسد قیصر نے کہا کہ تحریک انصاف اس کے لیے تیار ہے ایک بار ملک کو انتشار سے بچانے کے لیے آئین میں ترمیم کرنا پڑے گی۔

الیکشن نوے دن میں نہ ہوئے تو سڑکوں پر نکلیں گے ، عمران خان

اس سے قبل سابق وزیراعظم عمران خان کا کہنا تھا کہ حکومت سپریم کورٹ کا فیصلہ نہیں مانتی تو آئین کی خلاف ورزی کر رہی ہے۔

انہوں نے کہا کہ ابھی نہیں کہہ سکتے کہ انتخابی نتائج تسلیم کریں گے یا نہیں، معلوم نہیں الیکشن میں کیا ہوگا، ملک میں اس وقت واحد مسئلہ انتخابات کا ہے۔