اردوورلڈکینیڈا(ویب نیوز)دبئی میں آج ایشیا کپ کے سپر فور مرحلے کا دوسرا میچ پاکستان اور بھارت کے درمیان کھیلا جائے گا۔ اس اہم میچ کے ریفری اینڈی پائی کرافٹ ہوں گے۔

ہفتے کو گرین شرٹس نے آئی سی سی کرکٹ اکیڈمی میں تین گھنٹے کی بھرپور پریکٹس کی تاکہ کھلاڑی اپنی فارم اور حکمت عملی کو حتمی شکل دے سکیں۔ اسی دوران چیئرمین پاکستان کرکٹ بورڈ محسن نقوی نے ٹیم سے ملاقات کی اور کھلاڑیوں کا حوصلہ بڑھاتے ہوئے توقع ظاہر کی کہ پاکستانی ٹیم میچ میں شاندار کارکردگی پیش کرے گی۔

واضح رہے کہ گروپ مرحلے میں پاکستان کو بھارت نے سات وکٹ سے شکست دی تھی، اور اس میچ کے بعد دونوں ٹیموں کے درمیان پیدا شدہ ہینڈ شیک تنازع اور بھارتی کپتان سوریا کمار یادیو کے سیاسی بیان نے تعلقات کو مزید کشیدہ کر دیا ہے۔

پاکستان اور بھارت کے درمیان آج شام ساڑھے سات بجے سے مقابلہ شروع ہوگا، اور شائقین کو ایک سنسنی خیز اور دلچسپ میچ کی توقع ہے۔