اردو ورلڈ کینیڈا ( ویب نیوز )سابق صدر آصف علی زرداری نے پاکستان تحریک انصاف کے چیئرمین عمران خان کو مخاطب کرتے ہوئے کہا ہے کہ ایک شخص انتشار پھیلانے کے لیے تمام خطوط عبور کر رہا ہے لیکن ہم اداروں پر حملے برداشت نہیں کریں گے

ایک بیان میں آصف زرداری نے کہا کہ عمران خان کو ملکی استحکام اور ریاستی اداروں کی فکر نہیں وہ صرف ملک پر حکومت کرنا چاہتے ہیں۔

انہوں نے کہا کہ ہم اپنی پاک فوج کی قربانیوں اور شہادتوں کو کبھی نہیں بھول سکتے، ہم دشمن کی اس سازش کو بھی ناکام بنائیں گے۔

انہوں نے اس عزم کا اظہار کیا کہ 1947 سے لے کر اب تک ہم نے اور ریاستی اداروں نے دشمن کے مذموم عزائم کو ناکام بنایا اور ہم ہمیشہ مل کر یہ کرتے رہیں گے۔ انہوں نے مزید کہا کہ اس بار دشمن نے اندرونی طور پر حملہ کیا ہے۔

آصف زرداری نے کہا کہ ملکی استحکام ریاستی اداروں کے استحکام سے جڑا ہے اور ہم ان پر حملہ برداشت نہیں کریں گے۔