اردو ورلڈ کینیڈا ( ویب نیوز ) وزیراعلی پنجاب چوہدری پرویز نے آرمی چیف کی کمان کی تقریب میں وفاقی وزیر داخلہ رانا ثنا اللہ سے دلچسپ مکالمے کے دوران کہا کہ رانا صاحب اسمبلیاں ٹٹن دا معاملہ اللہ تے سٹ دیو۔
تفصیلات کے مطابق کمان کی تبدیلی کی تقریب میں وفاقی وزیر داخلہ رانا ثنا اللہ اور وزیر اعلی پنجاب چوہدری پرویز الہی کے درمیان دلچسپ مکالمہ بھی ہوا۔
وفاقی وزیر داخلہ رانا ثنا اللہ نے پرویز الہی سے گفتگو کرتے ہوئے کہا کہ چوہدری صاحب آپ کی طرف رواداری والا معاملہ ختم ہورہا ہے
جس کا جواب دیتے ہوئے وزیراعلی پنجاب چوہدری پرویز الہی نے کہا کہ نہیں رانا صاحب رواداری ختم نہیں ہورہی
رانا ثنا اللہ نے پھر پوچھا کہ چودھری صاحب اسمبلیوں کے ساتھ کیا کر رہے ہیں؟
پرویز الہی نے جواب دیتے ہوئے کہا کہ رانا صاحب اسمبلیاں ٹٹن دا معاملہ اللہ تے سٹ دیو
تقریب میں وزیراعلی پنجاب پرویز الہی نے وزیراعلی سندھ سے ملاقات کی اور دونوں وزرائے اعلی کے درمیان سیاسی صورتحال پر تبادلہ خیال کیا۔
