اردو ورلڈ کینیڈا ( ویب نیوز)کراچی پولیس آفس (کے پی او) پر حملے کی تحقیقات جاری ہیں، جس سے یہ بات سامنے آئی ہے کہ حملے کے وقت تینوں چوکیوں میں سے کسی میں بھی کوئی اہلکار موجود نہیں تھا۔

ذرائع کے مطابق کراچی پولیس آفس سے ملحقہ پولیس لائن صدر کوارٹرز میں داخلے کے لیے کوئی سیکیورٹی گیٹ نہیں، پولیس لائن کوارٹرز میں پولیس اہلکاروں کے اہل خانہ رہائش پذیر ہیں۔
ذرائع کا کہنا ہے کہ دہشت گرد مبینہ طور پر عقبی دیوار پھلانگ کر کے پی او میں داخل ہوئے۔ حملے کے وقت تینوں چوکیوں پر کوئی بھی موجود نہیں تھا۔ کے پی او کی عقبی دیوار پر خاردار تاریں ٹوٹی ہوئی نظر آئیں۔ ہائی وے کے سی سی ٹی وی کیمرے اطراف میں ہیں۔
دہشت گرد جس گاڑی میں آئے تھے وہ صدر تھانے میں موجود ہے اور اس سے متعلق شواہد اکٹھے کر لیے گئے ہیں۔
واقعہ کے حوالے سے مزید تفتیش کی جارہی ہے اہم انکشافات متوقع ہیں۔