پیمرا کے سابق چیئرمین نے بیان حلفی میں کہا ہے کہ سابق ڈی جی سی فیض حمید پیمرا پر دباؤ ڈالتے رہے، انہوں نے ٹی وی چینلز پر بھی دباؤ ڈالا
بیان حلفی میں انہوں نے مزید کہا ہے کہ سابق ڈی جی سی فیض حمید نے نجم سیٹھی کے خلاف کارروائی کے لیے دباؤ ڈالا اور کہا کہ حسین حقانی پر مکمل پابندی لگائی جائے لیکن دباؤ کے باوجود ہم نے ان کی ہدایات پر عمل نہیں کیا۔
پیمرا کے سابق چیئرمین کے مطابق اپریل 2017 میں میں نے اس وقت کے وزیر اعظم نواز شریف، آرمی چیف قمر جاوید باجوہ اور سپریم کورٹ کے چیف جسٹس ثاقب نثار کو تحریری طور پر اس ساری صورتحال سے آگاہ کیا تھا کہ ہدایات پر عمل درآمد نہ ہونے کی وجہ سے پیمرا حکام کو سزا نہیں دی جائے گی۔
ابصار عالم نے کہا ہے کہ 25 نومبر کو فیض آباد دھرنے کے دوران انہوں نے وزارت داخلہ کی درخواست پر ایک ٹی وی چینل بند کیا تھا جس کے بعد فیض حمید اور ان کے ماتحتوں نے پیمرا کے چیئرمین کی حیثیت سے مجھے تین بار فون کیا اور پوچھتے رہے نجی ٹی وی چینل کیوں بند کیا؟
فیض حمید اور ان کے ماتحت اہلکاروں نے کہا کہ یا تو نجی ٹی وی کی نشریات کھول دیں یا تمام ٹی وی چینلز کی نشریات بند کر دیں۔
سابق چیئرمین پیمرا نے بیان حلفی میں کہا ہے کہ میں نے کوئی غیر قانونی حکم نہیں مانا، وفاقی حکومت کی تحریری پالیسی ہدایات کی روشنی میں چینلز بند کیے گئے۔
