اردو ورلڈ کینیڈا ( ویب نیوز ) لندن میں 10 سالہ سارہ شریف کے قاتل کے والد عرفان پر جیل میں حملہ ہوا ہے۔

برطانوی میڈیا کے مطابق حملہ نئے سال کے پہلے دن مغربی لندن کی ایک جیل میں ہوا۔ دو افراد نے ڈبے سے بنے ہتھیار سے عرفان شریف پر حملہ کرنے کا منصوبہ بنایا۔برطانوی میڈیا کا کہنا ہے کہ حملے میں عرفان شریف کی گردن اور چہرے پر شدید چوٹیں آئیں۔ وہ بچ گئے لیکن انتہائی نگہداشت میں ہیں۔ واضح رہے کہ گزشتہ ماہ برطانوی عدالت نے مقتولہ کے والد عرفان شریف اور سوتیلی ماں بینش بتول کو 10 سالہ سارہ شریف کے قتل کے جرم میں عمر قید کی سزا سنائی تھی۔

عدالت نے مقتولہ کے چچا فیصل ملک کو بھی 16 سال قید کی سزا سنائی۔واضح رہے کہ 10 اگست 2023 کو 10 سالہ سارہ شریف کی لاش ووکنگ میں ان کے گھر سے ملی تھی۔برطانوی پولیس نے بتایا کہ سارہ کی لاش ملنے سے چند گھنٹے قبل سارہ کے والد، چچا اور سوتیلی ماں پاکستان روانہ ہو گئے تھے۔ سارہ کے والد نے پاکستان سے ایمرجنسی نمبر پر واقعے کی اطلاع دی تھی۔برطانیہ نے ملزمان کی گرفتاری کے لیے پاکستان سے رابطہ کیا۔ تینوں کو ایک ماہ بعد برطانیہ واپسی پر حراست میں لیا گیا تھا۔