تفصیلات کے مطابق ایک حملہ آور نے خود کو دھماکے سے اڑا لیا. واقعے میں ایک پولیس اہلکار شہید اور 3 زخمی ہوئےپولیس کے مطابق فائرنگ ختم ہو گئی ہے جس کے بعد آپریشن جاری ہے جبکہ سکیورٹی فورسز بھی پولیس کے ساتھ موجود ہیں.
ابتدائی اطلاعات کے مطابق پولیس کی جوابی کارروائی میں ایک حملہ آور مارا گیا. دہشت گرد پولیس لائن کے اندر گھس گئے اور دستی بموں اور دیگر ہتھیاروں سے حملہ کیا, جس میں اب تک 2 ایف سی اور 2 پولیس افسران سمیت 4 اہلکار زخمی ہوئے جبکہ ایک ریٹائرڈ پولیس افسر شہید ہوا
خیبر ضلع میں چیک پوسٹ پر حملہ
دوسری جانب دہشت گردوں نے ضلع خیبر میں پولیس اور فرنٹیئر کور کی مشترکہ چیک پوسٹ پر حملہ کیا جس میں 2 شہری شہید اور 6 زخمی ہوئے.
سیکیورٹی ذرائع کے مطابق زخمیوں کو طبی امداد کے لیے پشاور منتقل کردیا گیا ہے جبکہ دہشت گرد جوابی کارروائی میں فرار ہوگئے. ابتدائی اطلاعات کے مطابق دہشت گردوں نے حملے میں دستی بموں اور دیگر بھاری ہتھیاروں کا استعمال کیا.
ذرائع کے مطابق دھماکے سے زخمی ہونے والے 7 افراد کو حیات آباد میڈیکل کمپلیکس لایا گیا ہے جہاں تمام زخمیوں کی حالت خطرے سے باہر ہے. زخمیوں کو نیورو سرجری، آرتھوپیڈک اور سرجیکل وارڈ میں منتقل کر دیا گیا ہے.
