اردو ورلڈ کینیڈا ( ویب نیوز ) سعودی عرب میں حکام نے ایمفیٹامین گولیوں کی بڑی مقدار اسمگل کرنے کی کوشش ناکام بنا دی۔ العربیہ کی خبر کے مطابق، سعودی عرب کے جنرل ڈائریکٹوریٹ آف نارکوٹکس کنٹرول (GDNC) نے بڑی مقدار میں ایمفیٹامین گولیوں کی اسمگلنگ کی کوشش کو ناکام بنا دیا ہے۔

انہوں نے سماجی رابطے کی ویب سائٹ ٹوئٹر پر کہا کہ 40 لاکھ 91 ہزار 250 گولیوں کی کھیپ مویشیوں کے چارے میں چھپائی گئی تھی۔ ان کا مزید کہنا تھا کہ یہ کارروائی قطری حکام اور جدہ میں سعودی عرب کی جنرل اتھارٹی آف زکوٰۃ اینڈ ٹیکس کے تعاون سے کی گئی۔

اس کیس کے سلسلے میں ایک اردنی اور ایک مصری شہری کو ریاض میں گرفتار کر کے مزید قانونی کارروائی کے لیے پبلک پراسیکیوشن کے حوالے کر دیا گیا ہے۔