اردو ورلڈ کینیڈا ( ویب نیوز ) آئی سی سی کی جانب سے جاری نئی ٹیسٹ رینکنگ

کے مطابق  آسٹریلیا کے مارنس لابوچن کی پہلی پوزیشن برقرار

جب کہ ان کے ہم وطن اسٹیو اسمتھ دو درجے بہتری کے ساتھ دوسرے نمبر پر آگئے ہیں۔

قومی کرکٹ ٹیم کے کپتان بابر اعظم اور محمد رضوان کی ایک درجہ تنزلی ہوئی ہے۔

قومی کرکٹ ٹیم کے کپتان بابر اعظم انگلینڈ کے خلاف ہوم سیریز میں خاطر خواہ کارکردگی نہ دکھا سکے
جس کے باعث ان کی ایک درجہ تنزلی ہوئی ہے اور وہ تیسرے نمبر پر آ گئے ہیں

انگلینڈ کے خلاف دوسرے ٹیسٹ میچ میں 63 اور 94 رنز کی اننگز کھیلنے کے بعد مڈل آرڈر بلے باز

سعود شکیل 32 درجے ترقی کے ساتھ 61 ویں نمبر پر پہنچ گئے ہیں۔

وکٹ کیپر بلے باز رضوان اور عبداللہ شفیق کی بھی تنزلی ہوئی ہے، رضوان چار درجے تنزلی کے ساتھ 21ویں
اور عبداللہ شفیق 15ویں سے 18ویں نمبر پر ہیں۔

بولرز کی رینکنگ میں پاکستان کے شاہین آفریدی بدستور پانچویں نمبر پر ہیں

جب کہ پاکستان کے ابرار احمد پہلا ٹیسٹ کھیلنے کے بعد 60ویں نمبر پر ہیں۔