اردو ورلڈ کینیڈا ( ویب نیوز )پاکستان تحریک انصاف کے سابق رہنما اور سینئر سیاستدان جہانگیر ترین کی نئی سیاسی جماعت کے لیے دو تجویز کردہ نام سامنے آ گئے ہیں۔
جہانگیر ترین گروپ کی نئی سیاسی جماعت کے لیے عوام دوست پارٹی اور پاکستان انصاف پارٹی کے ناموں پر غور کیا جا رہا ہے تاہم اس حوالے سے فی الحال کوئی حتمی فیصلہ نہیں کیا گیا۔

پاکستان تحریک انصاف کے سابق سینئر رہنما جہانگیر ترین 9 مئی کے واقعات کے بعد نئی پارٹی میں سرگرم ہیں۔
جہانگیر ترین نے سابق سینئر وزیر پنجاب عبدالعلیم خان سے بھی ملاقات کی ہے۔
گروپ کے ذرائع کا کہنا ہے کہ فی الحال پارٹی کے دونوں نام فائنل نہیں ہوئے، مشاورت جاری ہے، پارٹی ارکان سے مشاورت کی جارہی ہے، تیسرا نام بھی سامنے آسکتا ہے، نام کا اعلان باہمی مشاورت کے بعد کیا جائے گا۔۔
ذرائع کا کہنا ہے کہ جہانگیر ترین نے لیگل ٹیم کو پارٹی رجسٹریشن کے لیے فوری اقدامات کرنے کا ٹاسک دے دیا ہے۔
لیگل ٹیم پارٹی کے نام اور الیکشن کمیشن کے تمام تقاضے پورے کرے گی، آئندہ ہفتے تمام قانونی تقاضے پورے کرنے کے بعد الیکشن کمیشن میں درخواست جمع کرائی جائے گی۔