ishtiaq ahmed 
ارد و ورلڈ کینیڈا ( ویب نیوز )پنجاب میں ضمنی الیکشن کی مہم چلانے کے لیے وفاقی وزیر سردار ایاز صادق اور صوبائی وزیر خواجہ سلمان رفیق نے وزارتوں سے استعفیٰ دے دیا۔
سردار ایاز صادق نے وزارت سے استعفیٰ دیتے ہوئے کہا کہ ذاتی وجوہات کی بنا پر استعفیٰ دے رہا ہوں۔ انہوں نے اپنا استعفیٰ وزیراعظم شہباز شریف کو بھجوا دیا اور کہا کہ وہ پارٹی کی مضبوطی کے لیے کام کرتے رہیں گے۔
دوسری جانب صوبائی وزیر داخلہ عطا اللہ تارڑ نے کہا ہے کہ وفاقی وزیر اقتصادی امور ایاز صادق نے استعفیٰ دے دیا، ایاز صادق نے ضمنی انتخابات کے باعث استعفیٰ دیا۔
واضح رہے کہ الیکشن کمیشن کے ضابطہ اخلاق کے مطابق وزیراعظم، وزیراعلیٰ، وفاقی اور صوبائی وزرا ان حلقوں کا دورہ نہیں کر سکتے جہاں ضمنی انتخابات ہو رہے ہیں۔ اس کے علاوہ ان حلقوں میں حکومتی سطح پر ترقیاتی منصوبوں کا اعلان نہیں کیا جا سکتا۔
خیال رہے کہ الیکشن کمیشن نے وزیر اعلیٰ پنجاب حمزہ شہباز شریف کو ووٹ دینے پر پی ٹی آئی کے 25 اراکین اسمبلی کو ڈی سیٹ کر دیا تھا جس کے بعد ان خالی حلقوں پر 17 جولائی کو ضمنی انتخابات ہونے جا رہے ہیں۔
