ishtiaq ahmed 
61
اردو ورلڈ کینیڈا ( ویب نیوز )کیسی آزادی؟ وزیراعظم شہباز شریف کا کہنا ہے کہ یہ کیسی آزادی ہے کہ ہم معاشی طور پر آئی ایم ایف کے غلام ہیں۔
پشاور میں سیلاب متاثرین کی بحالی کے لیے لگائے گئے کیمپوں کے دورے کے موقع پر میڈیا سے گفتگو کرتے ہوئے وزیراعظم شہباز شریف نے کہا کہ اللہ کا حکم ہے دکھی انسانیت کی خدمت کریں، آخری آفت زدہ خاندان تک چین سے نہیں بیٹھوں گا
اس موقع پر آئی ایم ایف سے قرضے کے حوالے سے بات کرتے ہوئے شہباز شریف نے کہا کہ سوچنے کی ضرورت ہے کہ ہم نے 75 وطن عزیز کیلئے کیا کیا ہے ، یہ کیسی آزادی ہے کہ معاشی طور پر ہم آئی ایم ایف کے غلام ہیں۔
وزیراعظم شہباز شریف نے مزید کہا کہ ہم متحد ہیں تو کوئی مشکل، کوئی پہاڑ ہمارے راستے میں نہیں کھڑا ہوگا، اتحادی حکومت مل کر ملک کو تمام بحرانوں سے نکالے گی۔
