اردو ورلڈ کینیڈا ( ویب نیوز ) زیراعلیٰ محمود خان اور اپوزیشن لیڈر اکرم درانی کے درمیان مشاورت ،نگراں وزیراعلیٰ کی تقرری کے حوالے سے اعظم خان کے نام پر اتفاق کر لیا گیا ،اکرام خان درانی کے ساتھ مذاکرات میں وزیراعلیٰ محمود خان، پرویز خٹک، سپیکر مشتاق غنی موجود تھے۔
یہ بھی پڑھیں
کے پی اسمبلی تحلیل ہوگئی، گورنر نے سمری پر دستخط کردئیے
دونوں جماعتوں نے حکومت اور اپوزیشن کی جانب سے پیش کیے گئے ناموں پر غور کیا اور باہمی مشاورت اور رضامندی سے سابق چیف سیکریٹری کو خیبرپختونخوا کا نگراں وزیراعلیٰ بنانے کی منظوری دی۔
اکرم درانی نے مذاکرات کے بعد حکومتی کمیٹی سے مشترکہ گفتگو کرتے ہوئے کہا کہ گورنر خیبرپختونخوا نے نگراں وزیراعلیٰ کے نام پر اتفاق کے لیے سمری بھیجی تھی۔ اہم کردار ادا کیا۔ انہوں نے کہا کہ ہم نے مشترکہ نام پیش کیے، جن میں ظفر اللہ خان، صاحبزادہ سعید اور سابق چیف سیکرٹری اعظم خان پر اتفاق کیا گیا ہے ۔
ذرائع کے مطابق اعظم خان کا نام اپوزیشن نے تجویز کیا تھا۔ وزیراعلیٰ محمود خان نے کہا کہ اپوزیشن لیڈر نے اعظم خان کا نام پیش کیا، جس پر انہوں نے عمران خان سے بھی مشاورت کی۔بعد ازاں محمود خان اور اکرم درانی نے اعظم خان کی بطور نگراں وزیراعلیٰ تقرری کے لیے گورنر خیبرپختونخوا کو سمری ارسال کی جس پر محمود خان اور اکرم درانی نے دستخط کیے ۔
صوبائی اسمبلی کی تحلیل کے بعد گورنر حاجی غلام علی نے وزیراعلیٰ محمود خان اور اپوزیشن لیڈر کرم درانی کو نگراں وزیراعلیٰ کی تقرری کے حوالے سے مشاورت کرنے کی ہدایت کی تھی اور اپنے تعاون کا یقین دلایا تھا۔
