Imran 
ذرائع کے مطابق پاکستان کرکٹ بورڈ کی سلیکشن کمیٹی نے بابر اعظم کے حوالے سے شاہین آفریدی کے تحفظات کو بھی دور کر دیا اور پھر کمیٹی کی متفقہ رائے کے بعد بابر اعظم کو دوبارہ کپتان بنانے کی تجویز دی۔دوسری جانب سوشل میڈیا پر ایسی خبریں بھی گردش کر رہی ہیں کہ بابر اعظم نے تینوں فارمیٹس کی کپتانی کی خواہش ظاہر کر دی ہے تاہم پی سی بی ذرائع کا کہنا ہے کہ بابر اعظم نے ایسی کوئی شرائط عائد نہیں کیں۔
بابر اعظم 52 ٹیسٹ، 117 ون ڈے اور 109 ٹی ٹوئنٹی میں پاکستان کی نمائندگی کر چکے ہیں۔بابر اعظم نے ٹی ٹوئنٹی ورلڈ کپ سمیت 71 ٹی ٹوئنٹی میچوں میں پاکستانی ٹیم کی قیادت کی۔بابر اعظم کی کپتانی میں پاکستان نے 42 میچ جیتے اور گرین شرٹس کو 23 میں شکست کا سامنا کرنا پڑا۔یاد رہے کہ بابر اعظم نے گزشتہ سال نومبر میں تینوں فارمیٹس کی کپتانی سے استعفیٰ دیا تھا جس کے بعد پی سی بی نے شاہین آفریدی کو ٹی ٹوئنٹی اور شان مسعود کو ٹیسٹ کپتان مقرر کیا تھا۔
44
