اردو ورلڈ کینیڈا ( ویب نیوز ) بابر اعظم 123 اننگز میں 6 ہزار رنز بنا کر ہاشم آملہ کے ریکارڈ برابر مشترکہ طور پر تیز ترین 6 ہزار رنز بنانے والے کھلاڑی بن گئے ہیں.

بابر اعظم نے آج کراچی کے نیشنل بینک کرکٹ ایرینا میں سہ ملکی سیریز کے فائنل میچ میں نیوزی لینڈ کے خلاف بیٹنگ کرتے ہوئے اپنا 10واں رن بنا کر یہ سنگ میل حاصل کیا۔اس طرح بابر اعظم اب مشترکہ طور پر تیز ترین 6 ہزار رنز بنانے والے کھلاڑی بن گئے ہیں، انہوں نے 123 اننگز میں 6 ہزار رنز بنا کر ہاشم آملہ کا ریکارڈ برابر کر دیا۔بابر اعظم یہ کارنامہ انجام دینے والے تیز ترین ایشیائی کھلاڑی بھی ہیں کیونکہ بھارت کے ویرات کوہلی نے 136 اننگز میں 6 ہزار رنز مکمل کیے تھے۔اس کے علاوہ، بابر اعظم ون ڈے میں 6000 رنز بنانے والے 11ویں پاکستانی بلے باز ہیں۔بابر اعظم سے قبل انضمام الحق، محمد یوسف، سعید انور، شاہد آفریدی، شعیب ملک، جاوید میانداد، یونس خان، سلیم ملک، محمد حفیظ اور اعجاز احمد بھی ون ڈے کرکٹ میں 6 ہزار رنز بنا چکے ہیں۔