اردوورلڈ کینیڈا ( ویب نیوز )اسلام آباد ہائیکورٹ نے چیئرمین پی ٹی آئی کی 9 مقدمات میں ضمانت منسوخی کے خلاف درخواستیں سماعت کے لیے مقرر کر دیں۔
چیف جسٹس عامر فاروق اور جسٹس طارق محمود جہانگیری سماعت کریں گے۔ چیئرمین پی ٹی آئی نے وکیل سلمان صفدر کے ذریعے ہائیکورٹ میں 9 درخواستیں دائر کی ہیں جس میں ریاست اور مدعی فریق ہیں۔

انسداد دہشتگردی کی عدالت نے عمران خان کی3 مقدمات میں ضمانت مسترد کردی

چیئرمین پی ٹی آئی کی سیشن کورٹ سے چھ اور اے ٹی سی سے تین ضمانتیں خارج ہوئیں، جن میں 9 مئی کے واقعات، جوڈیشل کمپلیکس پر حملے کے مقدمات بھی شامل ہیں۔
درخواستوں میں چیئرمین پی ٹی آئی نے 9 مقدمات میں ضمانتیں خارج کرنے کے فیصلے کو کالعدم قرار دینے کی استدعا کرتے ہوئے کہا ہے کہ ٹرائل کورٹ نے میرٹ کو دیکھے بغیر عدم تعمیل پر ضمانتیں خارج کیں۔ انصاف کے تقاضے پورے کرنے کے لیے ٹرائل کورٹس کے فیصلوں کو کالعدم قرار دیا جائے۔
درخواست میں چیئرمین پی ٹی آئی نے استدعا کی ہے کہ ٹرائل کورٹس کو ہدایت کی جائے کہ وہ مقدمات کی دوبارہ سماعت کریں اور میرٹ پر فیصلہ کریں اور پولیس کو ان 9 مقدمات میں گرفتاریوں سے روکا جائے۔