اردو ورلڈ کینیڈا ( ویب نیوز)چیئرمین پی ٹی آئی عمران خان نے کہا ہے کہ سابق آرمی چیف جنرل (ر) قمر جاوید باجوہ نے صحافی کو دیئے گئے بیان میں اعتراف کیا کہ انہوں نے پی ٹی آئی کی حکومت گرائی، اس لیے فوج کے اندر معاملے کی انکوائری ہونی چاہیے۔

نجی ٹی وی کو دیئے گئے انٹرویو میں انہوں نے کہا کہ باجوہ پالیسی ابھی تک چل رہی ہے، جنرل باجوہ نے تکبر سے کہا کہ انہوں نے فیصلہ اس لیے کیا کیونکہ عوام سمجھتے تھے کہ یہ جنرل باجوہ کی وجہ سے ہے۔
عمران خان نے کہا کہ میں خود تسلیم کرچکا ہوں کہ جنرل باجوہ نے نقاب گرایا، عوام پر واضح ہوگیا کہ آرمی چیف نے حکومت گرائی، انہوں نے مل کر ہماری حکومت گرائی
ایک سوال کے جواب میں انہوں نے کہا کہ الیکشن کمیشن کی ان کے ساتھ ملی بھگت ہے، شفاف الیکشن نہیں ہو سکتے، الیکشن میں دھاندلی کے لیے پولیس اہلکار تعینات کیے گئے ہیں۔