114
اردو ورلڈ کینیڈا ( ویب نیوز)بلوچستان کے ضلع نصیر آباد میں اتوار کو کاؤنٹر ٹیررازم ڈیپارٹمنٹ (سی ٹی ڈی) نے مقابلے میں 4 دہشت گردوں کو ہلاک کر دیا۔
ذرائع کے مطابق نصیر آباد میں نیشنل ہائی وے پر سی ٹی ڈی کی گاڑی پر فائرنگ کی گئی، دہشت گردوں کی فائرنگ سے اے ایس آئی سمیت 2 اہلکار شدید زخمی ہوگئے۔
زخمی پولیس اہلکاروں کو طبی امداد کے لیے اسپتال منتقل کردیا گیا ہے جب کہ سی ٹی ڈی ذرائع نے انکشاف کیا ہے کہ پولیس کی جوابی کارروائی میں 4 مبینہ دہشت گرد مارے گئے۔
مزید برآں مارے گئے دہشت گردوں کے قبضے سے تین دستی بم، ریموٹ کنٹرول ڈیوائس، کلاشنکوف اور دھماکہ خیز مواد بھی برآمد ہوا ہے۔
