اردو ورلڈ کینیڈا ( ویب نیوز )سیکیورٹی فورسز نے بلوچستان کے علاقے میں آپریشن کے دوران دس دہشتگردوں کو ہلاک کردیا جبکہ ایک دہشتگرد گرفتارکرلیا گیا
آئی ایس پی آر کے مطابق ہوشاب (M-8) روڈ پر دیسی ساختہ بم نصب کرنے کے ساتھ ساتھ سیکیورٹی فورسز اور شہریوں کو نشانہ بنانے والے فائرنگ کے واقعات سے منسلک دہشت گردوں کے ٹھکانے کا پتہ لگانے کیلئے آپریشن کیا گیا
فائرنگ کے شدید تبادلے کے دوران، 10 دہشت گرد مارے گئے ہیں جبکہ ایک دہشت گرد کو زخمی حالت میں گرفتار کر لیا گیا ہے۔ آئی ایس پی آر نے کہا کہ دو دہشت گرد فرار ہونے میں کامیاب ہو گئے۔
فوج کے میڈیا ونگ نے مزید کہا کہ علاقے میں آپریشن جاری ہے اور اسلحے اور گولہ بارود کا ایک بڑا ذخیرہ بھی برآمد کیا گیا، جس میں آئی ای ڈیز بھی شامل ہیں۔

پریس ریلیز میں مزید کہا گیا کہ سیکیورٹی فورسز قوم کے ساتھ مل کر بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں