تفصیلات کے مطابق الیکشن کمیشن کی جانب سے انتخابی شیڈول جاری کرنے سے قبل وزیر داخلہ سرفراز بگٹی نے بھی اپنی وزارت سے استعفیٰ دے دیا تھا جسے وزیراعظم نے منظور کر لیا تھا.
اب نگران مشیر برائے معدنیات امیر محمد حسنی نے بھی اپنے عہدے سے استعفیٰ دے دیا ہے. عمیر محمد حسنی نے 13 دسمبر کو اپنا استعفیٰ وزیر اعلیٰ کو پیش کیا تھا جسے انہوں نے قبول کر لیا.
ذرائع کے مطابق عمیر محمد حسنی نے آئندہ انتخابات میں چاغی سے الیکشن لڑنے کا فیصلہ کیا ہے جس کے لئےوہ اپنا عہدہ چھوڑ چکے ہیں.
اس کے علاوہ بلوچستان کے کھیل و ثقافت کے نگرا ن وزیر نوابزادہ جمال رئیسانی نے بھی اپنے عہدے سے استعفیٰ دے دیا. وہ آئندہ عام انتخابات میں پیپلز پارٹی کے ٹکٹ پر حصہ لیں گے.
واضح رہے کہ قانون کے تحت انتخابی شیڈول کے اجراء سے قبل سرکاری عہدہ چھوڑنا لازمی ہے, چنانچہ شیڈول کے اجراء سے قبل وزیر داخلہ کا استعفیٰ بھی منظور کر لیا گیا.
