اردو ورلڈ کینیڈا ( ویب نیوز ) اسرائیلی حکومت نے رمضان المبارک کے آخری عشرے میں مسجد اقصیٰ میں یہودیوں کے داخلے پر پابندی لگا دی ہے۔

بین الاقوامی خبر رساں ادارے کے مطابق اسرائیلی حکومت کے اجلاس میں فیصلہ کیا گیا ہے کہ گزشتہ سال کی طرح اس سال بھی رمضان المبارک کے آخری عشرے میں مسجد اقصیٰ میں غیر مسلموں کے داخلے پر پابندی ہوگی۔

اسرائیلی وزیر داخلہ بین گوور نے اس تجویز کی سختی سے مخالفت کرتے ہوئے کہا کہ یہودیوں کو سال کے کسی بھی وقت مسجد اقصیٰ میں داخلے سے نہیں روکا جانا چاہیے۔

تجویز کے حق میں اراکین نے موقف اختیار کیا کہ امن و امان اور باہمی رواداری کے لیے ضروری ہے کہ اس سال بھی تجویز پر عمل درآمد کیا جائے۔ پچھلے سال اس تجویز سے کافی فائدہ ہوا تھا۔ غیر مسلموں کا داخلہ ممنوع ہو گا۔

واضح رہے کہ رمضان المبارک کے مہینے میں اور خصوصاً گزشتہ دس سالوں میں دنیا بھر سے مسلمانوں کی بڑی تعداد عبادت کے لیے قبلہ اول پہنچتی ہے اور اس دوران یہودیوں کی آمد مداخلت اور پھر جھگڑوں کا سبب بن جاتی ہے۔ مسجد اقصیٰ کے متولی اردن کے شاہ عبداللہ دوم نے اس تجویز میں اہم کردار ادا کیا۔