اردو ورلڈ کینیڈا ( ویب نیوز ) کینیڈا میں غیر ملکی اور وہ لوگ جو کینیڈا کے

مستقل رہائشی نہیں ہیں وہ وہاں جائیداد نہیں خرید سکتے اور اس کی خلاف ورزی

کرنے والوں پر 10 ہزار کینیڈین ڈالر جرمانہ عائد کیا جائے گا۔

یہ بھی پڑھیں

سال کے آخر میں سست روی کے باوجود کیلگری ریئل اسٹیٹ کی فروخت نے ریکارڈ توڑ دیا

رپورٹ کے مطابق حکام کی جانب سے پابندی کا مقصد دنیا کی سب سے مہنگی اور ناقابل برداشت

ہاؤسنگ مارکیٹ پر دباؤ کم کرنا ہے۔ دسمبر کے اواخر میں پابندی کے نافذ ہونے سے صرف 11 دن پہلے

کینیڈا کی حکومت نے ایسے قوانین متعارف کرائے جن میں کچھ لوگوں کو پابندی سے مستثنیٰ قرار دیا گیا

جن میں غیر ملکی طلباء جو ملک میں کم از کم پانچ سال سے مقیم ہیں، پناہ گزین اورعارضی ورک پرمٹ والے

افراد شامل ہیں۔  رپورٹ کے مطابق اس موسم گرما تک کینیڈا میں ایک گھر کی اوسط قیمت 777,200 کینیڈین ڈالر تھی

جو کہ ایک متوسط ​​طبقے کے فرد کی ٹیکس کے بعد کی آمدنی سے 11 گنا زیادہ ہے۔ وفاقی وزیر برائے ہاؤسنگ

احمد حسین نے کہا کہ پابندی کا مقصد خریداروں کی حوصلہ شکنی کرنا ہے کہ وہ مکانات کو محض ایک جائیداد

نہ سمجھیں بلکہ خاندان کو پالنے اور رہنے کی جگہ سمجھیں۔