اردو ورلڈ کینیڈا ( ویب نیوز ) ایمریٹس ایئرلائنز کی تمام پروازوں میں پیجرز اور واکی ٹاکیز پر پابندی عائد کردی گئی ہے۔میڈیا رپورٹس کے مطابق دبئی پولیس کو ٹریول ایڈوائزری کے مطابق مسافروں کے پیجرز اور واکی ٹاکیز ضبط کرنے کا حکم دیا گیا ہے، پابندی کا اطلاق چیک ان اور کیبن بیگیج دونوں پر ہوتا ہے، دبئی پولیس کوئی بھی ممنوعہ ڈیوائسز ملنے پر ضبط کر لے گی۔ ایمریٹس ایئرلائنز نے ایران، لبنان، عراق اور اردن کے لیے پروازیں منسوخ کر دی ہیں۔

اس حوالے سے ایمریٹس ایئرلائن کا کہنا ہے کہ اردن کے لیے پروازیں 6 اکتوبر کے بعد شروع ہوسکتی ہیں جب کہ ایران اور عراق کے لیے پروازیں 7 اکتوبر تک بند رہیں گی۔ایمریٹس ایئرلائنز کا کہنا ہے کہ بیروت جانے اور جانے والی پروازیں 15 اکتوبر تک منسوخ رہیں گی، اس لیے دبئی سے گزرنے والے اور جن کی آخری منزل بیروت ہے، کو اگلے اطلاع تک ان کی منزل سے نہیں اٹھایا جائے گا۔ واضح رہے کہ گزشتہ ماہ لبنان میں حزب اللہ کے زیر استعمال پیجر میں دھماکوں سے پورا ملک لرز اٹھا تھا، ان دھماکوں کے نتیجے میں کم از کم 12 افراد شہید اور 2800 کے قریب زخمی ہوئے تھے۔