اردوورلڈ کینیڈا( ویب نیوز)وزیراعظم شہباز شریف نے پاکستان تحریک انصاف پر پابندی اور مخصوص نشستوں سے متعلق معاملے پر اتحادی جماعتوں سے مشاورت شروع کردی ہے۔
ذرائع کے مطابق پاکستان مسلم لیگ نے پیپلز پارٹی کے رہنماؤں کو اعتماد میں لینے کا فیصلہ کیا ہے، جس کے لیے دونوں جماعتوں کے درمیان مذاکرات آج ایوان صدر میں ہوں گے لیگی رہنما آج پیپلز پارٹی کی قیادت سے ملاقات کریں گے۔
ذرائع کا کہنا ہے کہ مذاکرات میں صدر آصف علی زرداری بھی شرکت کریں گے۔
پاکستان مسلم لیگ (ن) کی جانب سے اسحاق ڈار، اعظم نذیر تارڑ، عطاء اللہ تارڑ، عرفان قادر، احد چیمہ اور سردار ایاز صادق مذاکرات میں شریک ہوں گے، اٹارنی جنرل منصور اعوان صدر آصف علی اور ارکان کو کیس کے حوالے سے بریفنگ دیں گے۔
پیپلز پارٹی کی جانب سے فاروق ایچ نائیک، شیری رحمان، نیئر بخاری مذاکرات میں شرکت کریں گے۔
ذرائع کے مطابق مسلم لیگ ن کے رہنما پی ٹی آئی پر پابندی اور تینوں رہنماؤں پر آرٹیکل 6 لگانے کے فیصلے پر پیپلز پارٹی کو اعتماد میں لیں گے۔
40
