اردو ورلڈ کینیڈا ( ویب نیوز )پاکستان میں فلم جوائے لینڈ کی ریلیز پر پابندی لگ گئی
پاکستان کی وزارت اطلاعات و نشریات نے متعدد شکایات موصول ہونے کے بعد بین الاقوامی ایوارڈ یافتہ فلم جوائے لینڈ کی ملک بھر کے سینما گھروں میں نمائش پر پابندی عائد کر دی ہے۔
ماریہ بی نے سوشل میڈیا پر اپنے پیغام میں فلم جوائے لینڈ کی پاکستان میں ریلیز پر پابندی کا مطالبہ کرتے ہوئے کہا تھا کہ صائم صادق کی فلم ٹر انسجینڈر کے حقوق کے لیے نہیں بلکہ اسلامی معاشرے میں ہم جنس پرستی کو فروغ دینے کے لیے ہے۔
اس سے قبل فلم کا ٹریلر سامنے آنے کے بعد جماعت اسلامی کے سینیٹر مشتاق احمد خان نے بھی فلم پر پابندی کا مطالبہ کرتے ہوئے اپنی ٹوئٹ میں دعوی کیا تھا کہ فلم میں ہم جنس پرستی کو فروغ دینے کی کوشش کی گئی ہے اور اس طرح کی فلموں کے ذریعے پاکستان کی اقدار حملے کرنے کا منصوبہ بنایا گیا ہے۔
فلم کی کہانی ایک نوجوان اور ٹرانس جینڈر کے گرد گھومتی ہے جو ڈانس کلب میں کام کرتے ہوئے محبت میں گرفتار ہو جاتے ہیں۔ اس فلم کو کانز فلم فیسٹیول میں کانز: کوئیر پام ایوارڈ سے نوازا گیا، جو کہ خصوصی طور پر ایسی فلموں کو دیا جاتا ہے۔
