133
اردو ورلڈ کینیڈا ( ویب نیوز ) سٹیٹ بینک نے بینکوں کو آمدنی کے برابر ڈالر کی ایل سی کھولنے کی اجازت دینے پر رضامندی ظاہر کردی۔
گورنر اسٹیٹ بینک جمیل احمد کا کہنا ہے کہ اس فیصلے کے حوالے سے ایک سرکلر جاری کیا جائے گا جس کے مطابق بینک جتنے ڈالر کمائیں گے ان کی ایل سی کھول سکیں گے جب کہ مرکزی بینک صورتحال پر نظر رکھے گا۔
گورنر اسٹیٹ بینک ڈاکٹر جمیل احمد نے کہا کہ کوئی سہولت نہیں تھی اس لیے درآمدات کو کنٹرول کیا گیا اور مزید کاروبار کو بہت سپورٹ ملے گا۔قبل ازیں گورنر اسٹیٹ بینک کا کہنا تھا کہ آئی ایم ایف معاہدہ مثبت پیش رفت ہے، معاہدے سے بیرونی فنڈنگ کی روانی میں بہتری آئے گی اور معاہدے کے اثرات ہر گزرتے دن کے ساتھ بہتری کی صورت میں نظر آئیں گے، معاہدے سے زرمبادلہ کے ذخائر میں بھی بہتری آئے گی۔
