اردو ورلڈ کینیڈ ا( ویب نیوز )باراتیوں سے بھرا ٹرک الٹنے سے چار افراد جاں بحق ہو گئے۔ریسکیو حکام کے مطابق حادثہ تیز رفتاری کے باعث پیش آیا، حادثے کی اطلاع ملتے ہی پولیس اور ریسکیو ٹیم موقع پر پہنچ گئی۔

ریسکیو حکام کے مطابق حادثے کے نتیجے میں 30 افراد زخمی ہوئے، ریسکیو اور مقامی لوگوں نے زخمیوں کو موقع پر ہی ابتدائی طبی امداد فراہم کی۔
ریسکیو کی جانب سے زخمیوں اور لاشوں کو تحصیل ہیڈ کوارٹر ہسپتال منتقل کر دیا گیا ہے۔
دوسری جانب اوکاڑہ میں نیشنل ہائی وے بائی پاس کے قریب دودھ لے جانے والے ٹینکر کو حادثہ پیش آیا ہے، ٹینکر اوکاڑہ سے دودھ لے کر لاہور جا رہا تھا کہ ٹائر پھٹنے کے باعث الٹ گیا۔
ٹینکر الٹنے سے ڈرائیور موقع پر ہی جاں بحق ہوگیا، ریسکیو ٹیم نے ڈرائیور کی لاش کو ہسپتال منتقل کردیا۔