اردوورلڈ کینیڈا( ویب نیوز)پاکستان تحریک انصاف کے رہنما اور قومی اسمبلی میں اپوزیشن لیڈر عمر ایوب نے جوڈیشل کمیشن کی رکنیت سے استعفیٰ دے دیا ہے۔

عمر ایوب نے اپنا استعفیٰ قومی اسمبلی کے اسپیکر کو بھیج دیا ہے اور ان کی جگہ چیئرمین پی ٹی آئی بیرسٹر گوہر کو جوڈیشل کمیشن کا رکن نامزد کیا ہے۔
تحریک انصاف کے رہنما عمر ایوب نے کہا کہ انہوں نے اپنے خلاف درج مقدمات کی وجہ سے جوڈیشل کمیشن سے استعفیٰ دینے کا فیصلہ کیا ہے
اپوزیشن لیڈر نے سپیکر قومی اسمبلی سے درخواست کی ہے کہ وہ جلد ہی میرا استعفیٰ قبول کر لے اور بیرسٹر گوہر کو جوڈیشل کمیشن کا رکن مقرر کرے۔
دوسری جانب ذرائع کا کہنا ہے کہ عمران خان نے جوڈیشل کمیشن میں پارٹی کے نمائندوں کو تبدیل کر دیا ہے، علی ظفر مستقل طور پر جوڈیشل کمیشن کے اجلاس میں پارٹی کی نمائندگی کریں گے
ذرائع نے مزید کہا کہ عمر ایوب اور شبلی فراز کے خلاف بہت سے مقدمات ہیں، اس لیے انہیں تبدیل کر دیا گیا، مقدمات میں ضمانت کے بعد عمر ایوب جوڈیشل کمیشن میں پارٹی کے نمائندے ہوں گے۔
واضح رہے کہ 26ویں آئینی ترمیم کے بعد قومی اسمبلی سے اپوزیشن لیڈر عمر ایوب اور سینیٹ سے اپوزیشن لیڈر شبلی فراز کو جوڈیشل کمیشن میں شامل کیا گیا تھا۔